Wednesday, 17 May 2017

hanuman chalisa

shreeguru charan saroj raj nij manu mukuru sudhaari  baranun raghubar bimal jasu jo daayaku phal chaari buddhiheen tanu jaanike sumiraun pavan-kumaar bal budhi bidya dehu mohin harahu kales bikaar    jay hanumaan gyaan gun saagar jay kapees tihun lok ujaagar raam doot atulit bal dhaama anjani-putr pavanasut naama mahaabeer bikram bajarangee kumati nivaar sumati ke sangee kanchan baran biraaj subesa kaanan kundal kunchit kes haath bajr au dhvaja biraajai kaandhe moonj janeu saajai sankar suvan kesareenandan  tej prataap maha jag bandan  bidyaavaan gunee ati chaatur  raam kaaj karibe ko aatur prabhu charitr sunibe ko rasiya raam lakhan seeta man basiya sookshm roop dhari siyahin dikhaava bikat roop dhari lank jaraava bheem roop dhari asur sanhaare raamachandr ke kaaj sanvaare laay sanjeevan lakhan jiyaaye  shreeraghubeer harashi ur laaye raghupati keehnee bahut badaee  tum mam priy bharatahi sam bhaee sahas badan tuhmaaro jas gaavain as kahi shreepati kanth lagaavain sanakaadik brahmaadi muneesa naarad saarad sahit aheesa jam kuber digapaal jahaan te  kabi kobid kahi sake kahaan te tum upakaar sugreevahin keehna raam milaay raaj pad deehna tuhmaro mantr bibheeshan maana  lankesvar bhe sab jag jaana jug sahasr jojan par bhaanu leelyo taahi madhur phal jaanoo  prabhu mudrika meli mukh maaheen jaladhi laanghi gaye acharaj naaheen durgam kaaj jagat ke jete  sugam anugrah tuhmare tete raam duaare tum rakhavaare  hot na aagya binu paisaare sab sukh lahai tuhmaaree sarana tum rachchhak kaahoo ko dar na aapan tej sahmaaro aapai  teenon lok haank ten kaanpai bhoot pisaach nikat nahin aavai mahaabeer jab naam sunaavai naasai rog harai sab peera japat nirantar hanumat beera sankat ten hanumaan chhudaavai  man kram bachan dhyaan jo laavai sab par raam tapasvee raaja tin ke kaaj sakal tum saaja aur manorath jo koee laavai  soee amit jeevan phal paavai chaaron jug parataap tuhmaara  hai parasiddh jagat ujiyaara saadhu sant ke tum rakhavaare asur nikandan raam dulaare ashtasiddhi nau nidhi ke daata  as bar deen jaanakee maata raam rasaayan tuhmare paasa sada raho raghupati ke daasa tuhmare bhajan raam ko paavai janam janam ke dukh bisaraavai ant kaal raghubar pur jaee  jahaan janm haribhakt kahaee aur devata chitt na dharee  hanumat sei sarb sukh karee  sankat katai mitai sab peera  jo sumirai hanumat balabeera  jay jay jay hanumaan gosaeen  krpa karahu gurudev kee naeen jo sat baar paath kar koee  chhootahi bandi maha sukh hoee jo yah padhai hanumaan chaaleesa  hoy siddhi saakhee gaureesa tulaseedaas sada hari chera keejai naath hrday mahan dera     pavanatanay sankat haran mangal moorati roop  raam lakhan seeta sahit hrday basahu sur bhoop

श्रीगुरु चरन सरोज रज निज मनु मुकुरु सुधारि 
बरनउँ रघुबर बिमल जसु जो दायकु फल चारि
बुद्धिहीन तनु जानिके सुमिरौं पवन-कुमार
 बल बुधि बिद्या देहु मोहिं हरहु कलेस बिकार




जय हनुमान ज्ञान गुन सागर जय कपीस तिहुँ लोक उजागर
राम दूत अतुलित बल धामा अञ्जनि-पुत्र पवनसुत नामा
महाबीर बिक्रम बजरङ्गी कुमति निवार सुमति के सङ्गी
कञ्चन बरन बिराज सुबेसा कानन कुण्डल कुञ्चित केस
हाथ बज्र औ ध्वजा बिराजै काँधे मूँज जनेउ साजै
सङ्कर सुवन केसरीनन्दन  तेज प्रताप महा जग बन्दन 
बिद्यावान गुनी अति चातुर  राम काज करिबे को आतुर
प्रभु चरित्र सुनिबे को रसिया राम लखन सीता मन बसिया
सूक्ष्म रूप धरि सियहिं दिखावा बिकट रूप धरि लङ्क जरावा
भीम रूप धरि असुर सँहारे रामचन्द्र के काज सँवारे
लाय सञ्जीवन लखन जियाये  श्रीरघुबीर हरषि उर लाये
रघुपति कीह्नी बहुत बड़ाई  तुम मम प्रिय भरतहि सम भाई
सहस बदन तुह्मारो जस गावैं अस कहि श्रीपति कण्ठ लगावैं
सनकादिक ब्रह्मादि मुनीसा नारद सारद सहित अहीसा
जम कुबेर दिगपाल जहाँ ते  कबि कोबिद कहि सके कहाँ ते
तुम उपकार सुग्रीवहिं कीह्ना राम मिलाय राज पद दीह्ना
तुह्मरो मन्त्र बिभीषन माना  लङ्केस्वर भए सब जग जाना
जुग सहस्र जोजन पर भानु लील्यो ताहि मधुर फल जानू 
प्रभु मुद्रिका मेलि मुख माहीं जलधि लाँघि गये अचरज नाहीं
दुर्गम काज जगत के जेते  सुगम अनुग्रह तुह्मरे तेते
राम दुआरे तुम रखवारे  होत न आज्ञा बिनु पैसारे
सब सुख लहै तुह्मारी सरना तुम रच्छक काहू को डर ना
आपन तेज सह्मारो आपै  तीनों लोक हाँक तें काँपै
भूत पिसाच निकट नहिं आवै महाबीर जब नाम सुनावै
नासै रोग हरै सब पीरा जपत निरन्तर हनुमत बीरा
सङ्कट तें हनुमान छुड़ावै  मन क्रम बचन ध्यान जो लावै
सब पर राम तपस्वी राजा तिन के काज सकल तुम साजा
और मनोरथ जो कोई लावै  सोई अमित जीवन फल पावै
चारों जुग परताप तुह्मारा  है परसिद्ध जगत उजियारा
साधु सन्त के तुम रखवारे असुर निकन्दन राम दुलारे
अष्टसिद्धि नौ निधि के दाता  अस बर दीन जानकी माता
राम रसायन तुह्मरे पासा सदा रहो रघुपति के दासा
तुह्मरे भजन राम को पावै जनम जनम के दुख बिसरावै
अन्त काल रघुबर पुर जाई  जहाँ जन्म हरिभक्त कहाई
और देवता चित्त न धरई  हनुमत सेइ सर्ब सुख करई 
सङ्कट कटै मिटै सब पीरा  जो सुमिरै हनुमत बलबीरा 
जय जय जय हनुमान गोसाईं  कृपा करहु गुरुदेव की नाईं
जो सत बार पाठ कर कोई  छूटहि बन्दि महा सुख होई 
जो यह पढ़ै हनुमान चालीसा  होय सिद्धि साखी गौरीसा
तुलसीदास सदा हरि चेरा कीजै नाथ हृदय महँ डेरा 



पवनतनय सङ्कट हरन मङ्गल मूरति रूप 
राम लखन सीता सहित हृदय बसहु सुर भूप ॥